Reagim ndaj shkrimit me titull "Ndërmarrjet publike s'pajtohen me Administratën Tatimore-PËRPLASEN PËR TREMILIONËSHIN"

Me qëllimin më të mirë dhe të vetëm për informim të drejtë të taksapaguesve kosovar (përkatësisht ata që bëjnë pagesat e ujit në zonën e shërbimit) e ndjejmë të nevojshme të bëjmë këtë reagim-njoftim për opinionin lidhur me shkrimin e cituar më lartë, të botuar në gazetën Tuaj me datën 03.06.2009.
Konstatojmë me përgjegjësinë më të madhe se nuk ekziston as mospajtimi më i vogël midis ATK dhe ndërmarrjeve publike (në këtë rast KUR "Prishtina" sh.a.).
Gazetari gazetës Tuaj z. Parim Olluri me datën 02.06.2009 më ka marrë në telefon dhe ka kërkuar shpegime për mospagesë të Tatimeve nga ana e KUR "Prishtina" sh.a.Me supozimin se kjo ndërmarrje ka borxhe të mëdha në emër të Tatimeve të papaguara ndaj ATK-së.Pas një bisede të shkurtër telefonike (e cila përgjithsisht në mënyrë korrekte është përcjelluë në shkrimin e cituar ) ,ndërsa me zotin Olluri jemi pajtuar që për informacione më detaje të takohem të njëjtën ditë në orën 14,00 në zyrat e KUR "Prishtina" sh.a.Por z.Olluri nuk erdhi në takimin e parapërcaktuar!
Gjithashtu z. Olluri pasi e kam njftuar (në të njejtën bisedë telefonike) për faktin se KUR "Prishtina" sh.a. nuk ka borxhe të papaguara e kam lutur që të marrë informacione të besueshme te pala tjetër (ATK-ja).Mbase edhe informacionet e tilla i ka marrë.Këtë nuk e kontestoj.
Por është shqetësues një stermadhim i tillë i borxhit sepse mbi bazën e informacioneve që janë lëshuar nga ATK-ja përfundimisht me datën 31.05.2009 të gjitha llojet e tatimeve të papaguara nga KUR "Prishtina" sh.a. në periudhën 2000-2009 janë vetëm 29.824,01 €.
Besojmë plotësisht se përmes kësaj do të vëhen në dijeni të gjithë ata që dëshirojnë që mbi të gjitha të vlerësojnë faktet.
Me rrespekt;Naim Mujaj,drejtor ekzekutiv
për financa dhe administratë