KURPRISHTINA

VIZITA E PRESIDENTIT TË REPUBLIKËS SË KOSOVËS z.FATMIR SEJDIU NË KOMPANINË UJËSJELLËSI RAJONAL”PRISHTINA”-sh.a.

Sot, më datën 3 Qershor 2008, në orën 10:00, Presidenti i Republikës së Kosovës z. Fatmir Sejdiu, Kryetari i Komunës së Prishtinës z. Isa Mustafa me bashkëpunëtorët, vizituan Kompaninë Ujësjellësi Rajonal “Prishtina”-sh.a. Qëllimi i kësaj vizite ishte njoftimi më për së afërmi me punën e KUR”Prishtina”-sh.a.
Fillimisht, Drejtori Menaxhues i Kompanisë z. Skender Bublaku, bëri një prezantim të shkurtër për Kompaninë dhe synimet për progres të mëtutjeshëm, me theks të veçantë për investimet kapitale që pritet të bëhen në vitet në vijim, të cilat do ndikonin direkt në kualitetin dhe kuantitetin e shërbimeve , që ofron kompania, për konsumatorët e saj. Drjetori menaxhues i Ujësjellësit të Prishtinës, njëkohësisht shprehi brengosjen e tij rreth rezervave te ujit te pijshëm në burimet ekzistuese, të cilat po reflektohen me reduktime të detyrueshme dhe përmendi mundësitë alternative për mbushjen e liqenit të Badovcit përmes kanalit të Ibër Lepencit. Drejtori Menaxhues potencoi investimet nga donatorët e jashtëm, si dhe përpjekjet e kompanisë për të siguruar fondet për ndërtimin e fabrikës së re në Shkabaj dhe nga Presidenti i Kosoves përkrahjen e tij dhe niveleve tjera Qeveritare në këtë drejtim. Presidenti Sejdiu, i inkurajuar nga prezantimi që i’u bë Kompanisë dhe performancave të saj, shprehi përkrahjen e tij për ndihmën në thithjen e investimeve me qëllim të përmirësimit të shërbimeve të ujësjellësit dhe kanalizimit dhe shtoi se ujin, burimet e ujit i kemi shpallë INTERES NACIONAL TË KOSOVËS. Edhe Kryetari i Komunës së Prishtines z. Mustafa, theksoi se me drejtorin e kompanisë ka bashkëpunim të ngushtë dhe se po punojmë në drejtim të koordinimit të projekteve rreth infrastukturës së ujësjellësit dhe kanalizmit, si dhe në përgatitjen e projekteve për tu paraqitur sa më serioz në Konferencën e Donatorëve. Kryetari, në fund deklaroi se së shpejti Komuna e Prishtinës do të sjellë vendimin për ndalimin e perdorimit të ujit të pijshëm për destinime të panevojshme siç janë: Larja e automjeteve, rrugëve , trotuarëve, kopshteve dhe ujitje.
Në fund të takimit së tij, Presidenti Sejdiu vizitoi edhe laboratorin qendror të KUR”Prishtina”-sh.a., ku u informua për së afërmi me punën që bën ky laborator në sigurimin e cilësisë së ujit të pijshëm konform standardeve të OBSH-së. Drerjtori menaxhues i KUR”Prishtina”-sh.a falënderoi Presidentin Sejdiu për vizitën dhe premtimet e tij për përkrahje të mëtutjshme për ujësjellësin e Prishtinës.